Гродненская афиша

7 студзеня 1839 года сакратар Парыжскай Акадэміі навук Дамінік Франсуа Араго паведаміў аб вынаходніцтве мастаком Луі Дагерам
першага практычнага спосаба фатаграфавання, якое атрымала назву дагератыпіі. Гэты даклад і вызначыў дзень нараджэння фатаграфіі. У 2009 годзе фатаграфія адзначыла свой 170-гадовы юбілей.

На выстаўцы “Люстэрка мінулага”, якая прапануецца Вашай увазе, можна пазнаёміцца з фотапартрэтамі, зробленымі ў гродзенскіх фотамайстэрнях у 1860-1930-х гадах, а таксама з фотатэхнікай 1900-1930-х гадоў, завітаць у прыёмны пакой і ў здымачныя павільёны артыстычнага фотаатэлье.
Выстаўка з’яўляецца сумесным праектам Гродзенскага дзяржаўнага гісторыка-археалагічнага музея, музея-галерэі “Мир фото” (г.Мінск), Гродзенскага дзяржаўнага музея гісторыі рэлігіі і прыватных калекцыянераў: Фелікса Варашыльскага, Алеся Госцева, Аляксандра Сявенкі, Аляксандра Рымарчука і Яна Лялевіча.

Адкрыццё выстаўкі 11 снежня а 16.00
Стары замак
На адкрыццё уваход вольны